Genc Pollo, një prej anëtarëve të Komisionit të Rithemelimit të PD, përmes një postimi në rrjetet sociale, shprehet se kjo është koha që Partia Demokratike të kthehet në një opozitë të besueshme.
Ai gjithashtu shprehet se kjo është koha që PD të kthehet në një forcë politike që ngjall shpresë e shikon nga e ardhmja.
“Vendimet e Kuvendit 11 dhjetor duhet të zbatohen pa hezitim nga të tërë!”, shprehet Pollo.
Më 11 dhjetor, në Kuvendin Kombëtar të PD ku morën pjesë mbi 4900 delegatë, u miratuan ndryshimet statutore, si dhe ngritja një Komisioni Rithemelimi, i cili do të funksionojë si një strukturë drejtuese deri më 22 mars të 2022. Ky Komision ka në përbërje 29 anëtarë, ndërkohë që Kuvendi Kombëtar vendosi shkarkimin e Lulzim Bashës si Kryetar i PD, por edhe ngrirjen e Kryesisë së PD me argumentin se një pjesë e konsiderueshme e anëtarëve të saj nuk ishin zgjedhur në përputhje me statutin e kësaj partie, por ishin të emëruar.
