Kukësi barazoi dje 0-0 me Teutën për javën e 13 të Superligës. Sfida e zhvilluar në “Elbasan Arena” ka qenë e luftuar, ndërsa pas saj verilindorët dolën “të gjymtuar”. Kapiteni Gjelbrim Taipi la fushën I dëmtuar, teksa ende nuk dihet gjendja e tij.
Edhe i vëllai, Shqiprimi ka probleme me kartonat duke qenë mungesë e madhe për Longon të diel, aty ku Kukësi luan me Partizanin në 16:45. Për t’u parë është gjendja e Ndrecës, me mbrojtësin që ishte në tribunë dje për shkak dëmtimi. Në tribunë dje edhe Peposhi, me italianin e stolit që shpreson te rikuperimi i kapitenit.
