Trajneri aktual i Laçit, Mirel Josa ka vendosur rekord në Shqipëri sa i takon ndeshjeve të drejtuara nga stoli. Plot 613 ndeshje ka drejtuar Josa në karrierën e gjatë gati 20 vjeçare si trajner. Askush si 58 vjeçari, që rekordin e ka me Skënderbeun në vitet 2012-2016 me 170 ndeshje të drejtuara.
Josa e ka nisur gjithçka me Tiranën qysh në 2003, ndërsa në karrierë ka drejtuar edhe Vllazninë, Elbasanin, Teutën, Shkumbinin, Prishtinën, Kukësin dhe Laçin së fundmi. 323 fitore ka Josa në karrierë, 141 barazime dhe 149 humbje.
Në karrierën e gjatë, Josa ia ka dalë të fitojë edhe tetë trofe. Pesë herë Josa ka dalë fitues në Superligë, katër herë me Skënderbeun dhe një herë me Tiranën. Dy herë 58 vjeçari ka fituar Superkupën e Shqipërisë me Skënderbeun dhe një herë Superkupën e Kosovës me Prishtinën.
