Është mbyllur në barazim pa gola pjesa e parë mes Teutës dhe Kukësit. Një 45 minutësh që ka dhuruar spektakël pavarësisht se në fund rezultati vijon të jetë I bardhë.
Në minutën e 9-të, Kukësi gjen rrugën e rrjetës me anë të Taipit, me një gjuajtje të fortë nga e majta, por goli anulohet pasi gjykohet se në nisjen e aksionit, Feizhao ishte në pozicion jashtë loje.
Më pas Teuta nis të “thumbojë” më shumë portën kundërshtare. Fillimisht Idrizaj e më pas Gjorgiev mundohen nga jashtë zonës të gjejnë rrjetën, por pa sukses.
Ndërkohë në minutën e 21-të një tjetër gol anulohet për Kukësin. Pas një goditje dënimi Marku me kokë shënon golin e avantazhit, por vijërojtësi sinjalizon se mbrojtësi ishte në pozicion jashtë loje.
Kampionët në fuqi provojnë të kundërërgjigjen vetëm disa minuta më pas. Gjuajtje e fortë e Gjorgiev, Tafas bllokon e më pas E. Vila gjuan nga e djathta, por godet shtyllën e portës së verilindorëve.
https://streamable.com/6s329o
