“Big Brother VIP” është një nga “reality show-t” më të ndjekur dhe komentuar në Shqipëri e kudo në rrjet kanë qarkulluar “teori konspirative” nga më të shumtat.
Së fundmi, moderatorja Arbana Osmani u ka kërkuar ndjekësve t’i tregojnë teoritë konspirative që kanë dëgjuar për “BB VIP”.
“Që dikush nga pjesëmarrësit ka marrë 30 mijë euro për t’u bërë çift fallco me një tjetër pjesëmarrës”– supozon dikush dhe Arbana përgjigjet me humor: “Po, ashtu është”, dhe në sfond është Sara Hoxhën duke qeshur me të madhe.
“Që fituesin e ke zgjedhur pa e ditur ende kush do ishin konkurrentë”- shkruan dikush tjetër.
“Po, po. Madje fituesi as nuk konkurron këtë vit. Thjesht do fitojë direkt”– përgjigjet ajo.
“Që i jepni instruksione disa banorëve në dhomën e rrëfimit”- është një supozim tjetër.
“Ëhë. Dhe ata binden. Dhe gjithë Shqipëria sheh një program jo të vërtetë. Dhe e ndjek, e komenton, e pëlqen, apasionohet, pikërisht se nuk është i vërtetë. Se po të ishte i vërtetë, nuk do e ndiqte. Por pikërisht se është fals, e ndjek i madh dhe i vogël”– ia kthen Arbana.
