Një sasi e konsiderueshme lëndë narkotike që po transportohej në drejtim të Greqisë është sekuestruar këtë fundjavë në Kapshticë.
Policia njofton se ka shkuar në 5 numri i të ndaluarve dhe në 187.4 kg lëndë narkotike të sekuestruar në kuadër të këtij operacioni që ka startuar një muaj më parë për goditjen e një grupi kriminal në fushën e trafikimit të lëndëve narkotike në drejtim të shtetit grek.
Në vijim të operacionit mbrëmjen e djeshme u sekuestrua dhe 73 kilogramë e 400 gramë lëndë e dyshuar narkotike kanabis si dhe është vënë në pranga poseduesi i lëndës narkotike që tentonte për t’a trafikuar në drejtim të shtetit grek.
Si rezultat i informacioneve të grumbullauara nga hetimet proaktive, gjatë mbrëmjes së djeshme u godit një tjetër rast i tentativës për trafikim të lëndëve narkotike në drejtim të shtetit grek, ku u bë arrestimi në flagrancë i një pjesëtari tjetër të këtij grupi kriminal konkretisht shtetasit Gjergji Mollanji, 47 vjeç, banues në Korçë.
