Prej orës 15.00 në selinë e PD vazhdon mbledhja e Këshilli Kombëtar. Mësohet s ebrenda Këshillit ka debate.
Një prej anëtarëve të Këshillit, Jemin Gjana, shprehet se është në PD për një institucion legal dhe se nuk është as me Berishën e as me Bashën, por me PD-në.
Sipas tij, 29 anëtarët e Komisionit të Rithemelimit, që u krijuan një ditë më parë nuk duhet të jenë më pjesë e PD-së.
“Jam votuar për të vënë një institucion legal në PD. Jam votuar nga ju që jeni sot këtu nga disa që ishin dje aty. Jam këtu sepse i vetmi individ, ndjesë për modestinë, kam 30 vite e 3 muaj dhe kam marrë pjesë në Kuvendin e parë të PD-së, që jam pjesë e kësaj trupe pa asnjë ndërprerje. Nuk e ka askush këtë luk do ta quaj.
Në kryesi u ka thënë kolegëve që asnjëherë që nga dita e parë e deri më sot nuk jam as me Berishën, as me Selamin, as me Shehun e as me Bashën. Jam me PD-në. Dhe jam sot këtu se kam qenë 30 vite pa ndërprerje tek institucionet legale të PD-së. Jam pro vendimeve të marra në kryesinë e PD-së.
Nuk do të përjashtojmë ata që kanë shkuar në stadium, se janë të lirë të shkojnë kudo. Ata që kanë bërë një grup 29 anëtarët e komisionit të Rithemelimit, siç kemi bërë në ’97, ata nuk mund të jenë në 2 vende. Jam pro rezolutës, por dua të them se ne kemi lëshuar terren pas 15 nëntorit,” tha Gjana.
Ndërkohë fjalën e ka mbajtur edhe Roland Bejko, që sipas të cilit duhet të vendosen sanksione ndaj anëtarëve që nuk respektuan kryesinë.
“S’duhet të injorojmë takimin e djeshem, sado te ishin, megjithese ishin me pak sesa duhen per te nxjerre nje deputet. Ata jane demokratë. Per shumicen mendoj se i kane bashkuar interesat politike, te karrieres, apo nuk duan Lulzim Bashen. Interesat u kryqezuan ne kete forme. Demokratet donin qe ps te vinte ne pushtet. Te merzitur pas humbjes, te shqetesuar se nuk shikojne perspektive, me besim te thyer. Berisha i kuotoi interesat e tyre. Qe duan nje PD te mirefillte, te jete meritokracia qe ben perzgjedhje, te kete perkohshmeri dhe jo perjetesi ne poste. Ate qe diskutojme te gjithe. Dhe ua dha kete. U thote qe kete e bej une, megjithese per 30 vjet nuk e beri. E beri per interes personal, qe te marre partine. Me vjen keq qe e shoh ne kete pozite te veshtire,” tha Bejko.
