Lideri historik i PD, Sali Berisha paralajmëroi sot gjatë Foltores me shqiptarët e Florida në SHBA, se George Soros do të shpallet non grata në Shqipëri.
Vendimi i parë i qeverisë së PD, tha ish-kryeministri, do të jetë pikërisht ndalimi i hyrjes në vendin tonë të Soros.
Berisha tha gjithashtu se do të bashkëpunojë me Kongresin e SHBA për të ndaluar veprimtarinë e Soros në vendet jashtë SHBA.
“E kam kërkuar në vitin 2017 që Soros të shpallet non grata. Dhe qëndroj i vendosur që një nga aktet e para të qeverisë së PD në pushtet do të jetë shpallja e tij non grata në Shqipëri. Do të bëj gjithçka për të bindur dhe do të punoj shumë me miqtë e mi në Kongresin e SHBA, për të ndaluar veprimtarinë e tij politike në vendet jashtë SHBA. Nëse Jeff Bozos apo Elon Musk, Tim Cook, vendopsin të përdorin bilionat e tyre për të pblerë demokracinë në vendet e tjera, çfarë iu ngelet këtyre vendeve? Ata nuk e bëjnë ssepse punojnë për të mirën e kombeve, kurse ky zotëripërdor paratë e spekulimit finaciar botëror, për të ndërhyrë në mënyrat më të papranueshme në sistemin demokratik të vendeve të tjera, duke dëmtuar shumë rëndë funksionimin e demokracisë në këto vende. Unë shpresoj dhe besoj se Kongresi i SHBA do ta shqyrtojë një gjë të tillë. Përndryshe Shqipëria do ta shpallë atë non grata”.
