Deputeti demokrat Luçiano Boçi, nga ambientet e “Air Albania”, ku po zhvillohet Kuvendi i PD-së, përjashtoi se pas votimit për shkarkimin e Lulzim Bashës si kryetar i PD-së, do të marshohet drejt selisë qendrore.
“Skenarë të tillë janë imagjinarë dhe janë ndërtuar për të prishur atmosferën e këtij kuvendi”, tha Boçi në një prononcim për gazetarët.
Ai sqaroi se pas votimit, do të vijohet me “procedura të rregullta që largimi (i Bashës) të jetë procedurial”.
Ndërsa Edi Paloka u shpreh: “Nëse në selinë e PD-së kanë frikë për demokratët ky është fundi. Ne nuk marrim asgjë me dhunë. Kuvendi mori vendimet e tij të gjithë kanë detyrimin të zbatojnë vendimet e Kuvendit.
