Një plagosje me armë zjarri ka ndodhur orët e vona të së Premtes në Tropojë.
Sipas një rindërtimi paraprak të ngjarjes nga policia, ngjarja ka ndodhur në një lokal. Dyshohet se pas një konflikti për motive të dobëta, një 24-vjeçar ka qëlluar me armë një 33-vjeçar.
I plagosuri Alban Haklaj raportohet se ndodhet jashtë rrezikut për jetën, ndërsa autori Genti Vatnikaj është shpallur në kërkim.
“Në një lokal në qytetin e Bajram Curri, është plagosur me armë zjarri shtetasi Alban Haklaj, 33 vjeç, banues në Tropojë. Menjëherë në vendngjarje janë nisur shërbimet e Policisë, ku bënë të mundur identifikimin e autorit të dyshuar shtetasin Genti Vatnikaj, 24 vjeç, banues në Tropojë, i cili dyshohet se për motive të dobëta ka qëlluar me armë zjarri shtetasin Alban Haklaj. Në hyrje- daljet e qytetit, janë ngritur pika kontrolli, me qëllim kapjen e autorit. I plagosuri ndodhet nën kujdesin e mjekëve në spitalin e Gjakovës, jashtë rrezikut për jetën. Në drejtimin e Prokurorisë, vijon puna për sqarimin e rrethanave dhe dokumentimin e ligjor të kësaj ngjarjeje”, njoftoi policia.
