Deputeti Lefter Maliqi ka konfirmuar pjesëmarrjen në Kuvendin e 11 Dhjetorit.
Në një video të publikuar në rrjetet sociale, ai ka shpërndarë një deklaratë të bërë në një emision televiziv në vitin 2018.
“Ja se si paralajmërova shkatërrimin që Basha i bëri PD vetëm për karrigen e vet”, shkruan Maliqi në një postim në rrjetet sociale, ndërsa më tej shton: “Nesër tek Arena në orën 10:00 të heqim Lulin bashke me Ramën për të mirën e demokracisë dhe të ardhmes së vendit. Fitore”.
Në videon e publikuar nga emisioni i tre vite më parë, Maliqi thotë:
“… Hakmarrja është dhe është personale. Unë jam me të gjithë demokratët e ndershëm, kudo në Berat dhe gjithë Shqipërinë. Dhe më vjen keq që po protestojnë, po përplasen kot me policinë, po thyejnë rregullat. Unë pashë aty ‘tik-tak’ ia bënte Basha. Ai ‘tik-takun’ ta shikojë te karrigia e vet, te truri i vetë, se po e shkatërron PD-në. E ka çuar në gropë. Ia la Berisha me 56 mandate, në mandatin e dytë e çoi në 43 dhe po e çon në katastrofë. E dinte shumë mirë që nuk fitonte pushtetin lokal dhe bën këto veprime. E ka shkatërruar komplet, nuk ka as frymë, as besim as nuk përcjell shpresë te demokratët. Unë them që ata demokratë të ngrihen të rrëzojnë Lulin…”
