Nesër, më 11 dhjetor, do të mbahet Kuvendi Kombëtar i PD, i thirrur nga ish-Kryeministri Sali Berisha. Lideri historik i PD ka deklaruar se janë mbledhur mbi 5200 firma delegatësh, ndërsa publikisht janë deklaruar emrat e 4890 delegatëve.
Ndërkohë sot, Gazment Bardhi, Sekretari i Përgjithshëm i PD, ka deklaruar se Kuvendin e 18 dhjetorit e mbështesin 5259 delegatë.
Bardhi tha se 11 kryetarë degësh kanë refuzuar ti bashkohen këtij procesi.
Partia Demokratike në Kuvendin e fundit Kombëtar ka deklaruar mbi 7600 delegatë, ndërkohë që si në Kuvendin e 11 ashtu edhe në atë të 18 dhjetorit, kanë shprehur mbështetjen mbi 5 mijë delegatë, për secilën mbledhje.
Sipas Sekretarit të Përgjithshëm të PD, kjo ka ndodhur pasi delegatët që kanë firmosur për 11 dhjetorin, kanë firmosur për mbledhjen e Kuvendit më 18 dhjetor, duke hequr dorë nga formularët e firmosur për thirrjen e Kuvendit ditën e shtunë, pasi ato nuk janë për përçarjen e PD.
“Demokratët i kanë dalë për zot Partisë Demokratike dhe do t´i dalin për zot PD dhe ata kanë betejë përballjen me Edi Ramën. Dikush tjetër ka vendosur që për interesa të ngushta personale të ketë betejën me demokratët”, tha Bardhi.
