Dy persona kanë mbetur të plagosur në një aksident të ndodhur rreth orës 11:30, në autostradën Tiranë-Durrës.
Ngjarja ndodhi te mbikalimi i Maminasit, ku automjeti me drejtues shtetasin Xh.H., ka humbur kontrollin dhe është përplasur me një mur rrethues. Për pasojë janë lënduar pasagjerët, shtetasit E. H. dhe A. H., të cilët ndodhen nën kujdesin e mjekëve, jashtë rrezikut për jetën, konfirmoi policia.
Grupi hetimor ndodhet në vendngjarje dhe po heton për rrethanat e aksidentit, shtuan të njëjtat burime.
