Skënderbeu i kohëve të arta kujtohet edhe pas shumë vitesh. Ishte pikërisht Ilir Daja një nga trajnerët që provoi të shkonte në grupet e Europa League duke përfaqësuar kampionatin shqiptar me korçarët. Në sezonin 2017-2018 skuadra bardhekuqe shkëlqentë jo vetëm në Shqipëri, por edhe në Europë. Cilësi dhe muskuj, këto ishin dy karakteristikat e ekipit të Skënderbeut. Për përgatitjen tekniko-taktike, Daja njihet për aftësitë e tij të mrekullueshme.
Ndërsa sa i përket muskujve, ishte Iris Selimi që punonte çdo ditë me lojtarët e Skënderbeut. Preparatori atletik u largua me “ceremoni” nga tekniku kryeqytetas pas një situate të çuditshme në një seancë stërvitore. Daja njihet për korrektësinë e tij në punë, ku nuk pranohet asgjë tjetër veç kërkesave të tij. Gjithashtu edhe batutat nuk lejohen nga trajneri kryeqytetas që realisht ka fituar gjithçka në karrierën e tij. E pikërisht një e tillë e Selimit bëri që atëherë ai të largohej nga stafi teknik i Skënderbeut për të vijuar karrierën e tij një vit më pas me Shkëmbin te Liria e Prizrenit.
Tashmë është pjesë e skuadrës së Kukësit në elitë. Një preparator atletik duket se i mungon edhe këtij Partizani, që në edicionet e shkuara shquhej për “muskujt” në fushë. Lojtarët vraponin pa pushim, ndërsa në këtë sezon stafi teknik duket më i përqëndruar në anën taktike.Newsport.al
