Qeveria do të lëvrojë edhe 7 miliardë lekë bashkisë së Tiranës dhe 10 bashkive të tjera në kuadër të procesit të rindërtimit.
Vendimi i marrë në mbledhjen e qeverisë së sotme u bë publik nga zv/ kryeministri Arben Ahmetaj dhe u argumentua me përshpejtim të procesit të rindërtimit.
“Sot kaluan një grup vendimesh për rindërtimin të cilat bëjnë avancim të konsiderueshëm të financimit për bashkinë e Tiranës dhe 10 bashkitë e tjera përmes Fondit Shqiptar të Zhvillimit. Llogaria e rindërtimit, pra gjithë fondi i rindërtimit kalon nga 28 miliardë lekë në 35 miliardë lekë. Avancimi është bërë për të përshpejtuar proceset e rindërtimit që të kemi mundësi të kthejmë në shtëpitë e tyre, apo shkolla a kopshte të gjithë qytetarët e institucionet që më 26 nëntor 2019 u detyruan të largohen nga godinat e dëmtuara nga tërmeti”, tha ai.
Pra program i rindërtimit për kët vit ka 35 miliardë lekë.
“Pra për 20- 21 shkon llogaria në referencë 350 milionë dollarë me qëllim për të përshpejtuar rikthimin e familjeve të dëmtuara në shtëpi”, u shrpreh Ahmetaj.
