Donaldi u surprizua spektaklin e mbrëmshëm nga vëllai i tij binjak, të cilin e takonte pas 60 ditësh. Më herët Donaldi ka takuar edhe Bora Zemanin, ish-të dashurën, ndonëse ajo kishte ardhur për të surprizuar Semin. Gjithashtu, pak ditë më parë ai takoi prindërit. Gjithë këto supriza vetëm për një person i kanë rënë në sy publikut.
Së fundmi, një ndjekëse i ka shkruar Arbana Osmanit, në komentet e një fotoje të saj se ai po vendoset në kushte të pabarabarta me banorët, me idenë që Donaldit i janë bërë dy surpriza brenda javës, ndërsa ka banorë të tjerë që nuk është bërë asnjëherë surprizë.
“Një pyetje: Futja e Romeos për t’i dhënë mesazh është? Përse u dashka gjithë ky suport ndaj tij, vendosni banorët në kushte të barabarta, sepse është i vetmi që ka marrë disa sinjale ose mesazhe…”, shkruan ndjekësja.
“Një përgjigje: Këtu nuk komentohet Big Brother”- shkruan moderatorja, që mesa duket nuk preferon aspak të komentojë ngjarjet në shtëpi.
