Në eliminatoret e Botërorit që u mbyllën në mënyrën më të mirë për Gjermaninë, Hansi Flick kishte vendosur që të grumbullonte një lojtar shumë të ri e të talentuar që po bënte mirë në Bundesliga e sidomos me Shpresat.
Bëhej fjalë për Jonathan Burkardt i cili do të grumbullohej me kombëtaren A të Gjermanisë por në mënyrë fatale e qesharake gjithashtu ai humbi ftesën pasi nuk e hapi telefonatën e Flick. 21-vjeçari pa dy thirrje të humbura në telefon dhe mendoi se ishte shërbimi sanitar pasi kishte patur probleme me tubat e ujit në shtëpi.
Në fakt ishte trajneri Flick që do t’i konfirmonte ftesën e cila do të ripërsëritet dhe lojtari nuk do të bëjë gabime. Madje trajneri gjerman është i bindur se Burkardt do të jetë ylli i ardhshëm i Gjermanisë, pasuesi i Miroslav Klose dhe shifrat i japin të drejtë.
Në një ekip si Mainzi, sulmuesi ka shënuar këtë sezon 10 gola në të gjitha kompeticionet, më mirë se Leroy Sané (9), Florian Wirtz (8) e Serge Gnabry (8).
Duke parë se mungon një pike referimi në sulm, Flick do t’i besojë këtë repart lojtarit të Mainz, 1.84 cm i gjatë, një bomber zone dhe që mund të bëjë edhe sulmuesin e krahut. Tashmë të presim dhe të shikojmë. /Ora News
