Artistja e njohur shqiptare, Hueyda El Saied, prej më shumë se një viti po luftonte me sëmundjen e kancerit të gjirit, por kishte zgjedhur të mos u tregonte asgjë miqve dhe të afërmve. Hueyda u nda papritur nga jeta në moshën 46-vjeçare pak kohë më parë.
Së fundmi ka ardhur edhe një reagim nga partneri, Thierry dhe djali i saj Gabriel. Nëpërmjet një postimi në profilin e artistes, ai u ka shprehur mirënjohjen të gjithë personave që i qëndruan pranë në këtë moment të vështirë.
Në letër Thierry shkruan se Hueyda do u mungojë shumë. Ai e falenderon artisten për dhuratën që i bëri, Gabrielin.
“Dhimbja është ende e pamatshme dhe trishtimi kaq i thellë, por unë dhe Gabriel duam t’ju falenderojmë për gjithë simpatinë e treguar dhe dallgët e dashurisë për Hueyda-n, dashurinë gjithpërfshirëse duke nisur që nga Tirana e saj e në të gjithë pjesët e tjera të botës. Faleminderit!
Hueyda u largua si një yll vezullues me kokën lart pas një lufte të egër! Ajo tregoi kurajo dhe forcë absolute pa dështuar dhe pa u ankuar kurrë! Hueyda rrëmbeu admirimin e të gjithëve ne, por mbi të gjitha atë të dy fansave të më të mëdhenj në këtë luftë: Gabrielin dhe timen, dy dashuritë e saj.”- shkruan ai.
View this post on Instagram
