Kina ka reaguar me zemërim ndaj bojkotit diplomatik të qeverisë amerikane të Lojërave Olimpike Dimërore të vitit të ardhshëm.
Raportohet se dhe Zelanda e Re njoftoi se nuk do të dërgonte përfaqësues në Lojërat Olimpike.
Zyrtarët kinezë e hodhën poshtë bojkotin e Uashingtonit si një “pozicion dhe manipulim politik” dhe u përpoqën të diskreditonin vendimin duke pretenduar se diplomatët amerikanë as që ishin ftuar në Pekin në radhë të parë, raporton The Guardian.
Shtëpia e Bardhë konfirmoi të Hënën se nuk do të dërgonte asnjë përfaqësues zyrtar ose diplomatik në Lojërat Dimërore dhe Paraolimpike në shkurt, “duke pasur parasysh gjenocidin e vazhdueshëm të PRC [Republika Popullore e Kinës] dhe krimet kundër njerëzimit në Xinjiang dhe abuzimet e tjera të të drejtave të njeriut”.
“Sportistët në ekipin e SHBA-së kanë mbështetjen tonë të plotë”, tha sekretarja e shtypit e Shtëpisë së Bardhë, Jen Psaki.
