Gjatë 24 orëve të fundit, i gjithë territori i vendit është përfshirë nga reshje shiu me intensitet të lartë.
Mësohet se reshjet kanë shkaktuar shembje gurësh dhe rrëshqitje dherash në aksin Lezhë-Ungrej.
Rreth 4 km larg qendrës së fshatit Ungrej, ka pasur rrëshqitje të tokës dhe për pasojë janë izoluar totalisht banorët e 9 fshatrave të kësaj njësie administrative.
Sipas banorëve, nuk është hera e parë që ndodh një gjë e tillë kur ka reshje shiu. Sa herë që ka rrëshqitje të dherave, ata izolohen totalisht.
