Princi Harry foli për shëndetin mendor dhe rritjen e dorëheqjeve nga puna gjatë pandemisë në një intervistë të re për Fast Company.
Sipas Etcanada, Duka i Sussex-it dha dorëheqjen si anëtar i familjes mbretërore së bashku me gruan e tij Meghan Markle në mars 2020 dhe që atëherë punon në rolin e drejtuesit në kompaninë e shëndetit mendor BetterUp.
Ai tha se nuk është gjithmonë gjë e keqe të jepni dorëheqjen për hir të shëndetit tuaj mendor, nëse jeni në gjendje ta bëni këtë. Harry shtoi se turma e njerëzve që lanë punët e tyre në mes të pandemisë frymëzoi një ndryshim kulturor shumë të nevojshëm.
“Kam zbuluar së fundmi, falë një bisede me anëtarin e bordit shkencor të BetterUp Adam Grant, se shumë nga dorëheqjet nga puna që përmendni nuk janë të gjitha të këqija. Në fakt, është një shenjë se me vetëdijen vjen nevoja për ndryshim. Shumë njerëz anembanë botës kanë mbetur të mbërthyer në punë që nuk u kanë sjellë gëzim, dhe tani ata po vënë shëndetin dhe lumturinë e tyre mendore në vend të parë. Kjo është diçka për t’u festuar”, tha ai.
Komentet e Harry-t për shëndetin mendor vijnë pasi episodi special i vëllait të tij, Princ ëilliam, i “Time to ëalk” nga Apple Fitness+ u transmetua të hënën.Episodi i inkurajon njerëzit të marrin kohë dhe të ecin për shëndetin e tyre mendor gjatë periudhës së Krishtlindjes.
