Alesio Dobrozi 31 vjeç nga Fushë Kruja, është shpallur në kërkim si një ndër tre personat e përfshirë në ngjarjen e ndodhur në Lezhë. Bashkë me Roan Brahimin dhe Ramazan Rrajën, sipas policisë, u futën të maskuar dhe të armatosur në një lokal më 13 Nëntor në zonën e Lezhës.
Alesio Dobrozi është dënuar nga autoritetet italiane. Referuar një artikulli të publikuar nga mediat lokale, ai ishte pjesë e të ashtëquajturit grupi i “Audit të Bardhë” që merrej me grabitje.
Në Maj 2018, sipas një artikulli të publikuar nga “Il Messaggero”, Alesio Dobrozi u dënua me 4 vite e burgim dhe një gjobë prej 800 eurosh gjykata e Rietit.
Pjesë e bvandës ishin dhe Marjan Demiri, i dënuar me 3 vjet e 8 muaj burgim plus 4000 euro gjobë dhe Enrico Porja i dënuar me 5 vjet e 6 muaj burgim plus 1000 euro gjobë.
Referuar të njëjtave burime: Në përfundim të gjykimit të shkallës së parë, u konstatua se, natën e datës 26 mars 2016, të arrestuarit, me precedentë për krime kundër pronës, pasi kishin kryer një vjedhje në shumën 35,000 euro, arritën të arratiseshin me një Audi S 3 Sportback (i cili gjithashtu u vodh më 21.02.2016 në provincën e Mantua), u ndoq nga një patrullë e karabinierëve.
Gjatë ndjekjes, mjeti doli nga rruga, por autorët arritën të humbnin gjurmët. Makina Audi S 3, së bashku me një pjesë të mallit të vjedhur, u sekuestrua.
Hetuesit arritën të identifikonin autorët e dyshuar dhe ndaj tyre u lëshuan 3 urdhër-arresti pas masave të sigurisë së lëshuara nga gjykata në mungesë.
Masat e arrestit me burg për Marjan Demiri dhe Alesio Dobrozin, u ekzekutuan më 22.09.2017.
Dobrozi raportohet se u identifikua në burgun Velletri, ku ndodhej pasi u arrestua në flagrancë pas një grabitjeje në një vilë që kishte kryer më 12 Korrik 2016 në komunën Marino.
Ndërsa në një banesë në një fshat të komunës San Cesareo di Palestrina u arrestua Marjan Demiri. Në banesë u gjetën dy pistoleta, të dyja të mbushura plotësisht dhe plotësisht funksionale (njëra me markën Smith & Wesson, calibri 38, e cila u vodh natën e ndërrimit të viteve 2016 në një shtëpi në komunën e Vincci-t dhe një tjetër (calibër 22), e fshehur brenda komodinave në dhomën e gjumit ku flinte. Bashkë me disa sende të tjera të sekuestrua, u gjet dhe një listë me rreth njëzet adresa shtëpish midis provincave të Romës dhe asaj të Mantovës, që dyshohet se ishin banesat e piketuara për tu grabitur, në dy muajt e ardhshëm. Në banesë u gjet dhe një tjetër shqiptar – Rudolf Fufi, i cili u arrestua.
Il Messaggero” shkruante se personi tjetër i grupit – Enrico Porja nuk u arrestua dhe dyshohet se është larguar nga Italia. Dënimi ndaj tij u dha në mungesë.
Lexo edhe:
Të armatosur në një lokal në Lezhë, një prej autorëve nipi i deputetit socialist
Ngjarja në Lezhë/ U kap me armë pa leje, por qëndroi vetëm 3 ditë në qeli. Si u lirua shoku i Rrajës
