Moti i keq ka sjellë problematika edhe në qytetin e Vlorës.
Si pasojë e përkeqësimit të kushteve të motit, vijon i pezulluar lundrimi detar për mjetet e vogla lundruese dhe peshkarexhat.
Vlora është përfshirë nga erëra të forta që prej mbrëmjes së djeshme.
Për pasojë, problematike është situata edhe në furnizimin me energji elektrike në qytezën e Orikumit dhe fshatrat e lumit të Vlorës.
Ndërkohë edhe Bashkia e Vlorës ka njoftuar qytetarët të shmangin lëvizjet e panevojshme dhe të kujdesen për parkimet e automjeteve duke shmangur rrugët që zakonisht kanë probleme me përmbytjen.
