Manchester United ka arritur të marrë një fitore minimale ndaj Crystal Palace në “Old Trafford” në kuadër të javës së 15 të Premier League.
Kjo ishte ndeshja e para për Ralf Rangnick në drejtimin e “djajve të kuq” dhe arritje e suksesit të parë nuk rezultoi aspak i lehtë.
Pjesa e para u mbyll në barazim pa gola. E dyta nisi me vendasit sërish më në kërkim të golit, por ndeshja do të zhbllokohej vetëm në minutën e 77 me mesfushorin Fred. 1-0 do të ishte rezultati përfundimtar i takimit, me United që ngjitet në vendin e 6 me 24 pikë.
Në ndeshjen tjetër të Premier League, Tottenham mposhti Norwich me rezultatin 3-0, duke siguruar fitoren e tretë radhazi në kampionat.
Ndeshja u zhbllokua në minutën e 10 me Lucas Moura, që do ishte edhe i vetmi i 45 minutave të para.
Në pjesën e dytë, Tottenham shënon dy të tjerë brenda 10 minutave, fillimisht me Sanchez në të 67’ dhe Son në të 77’. Pas këtij triumfi, “spurs” ngjiten në vendin e 5 me 25 pikë.
