‘Foltorja’ e Nju Xhersit/ Berisha mesazh Yuri Kim: Këto janë dy shkeljet e tua të papranueshme

Ish-kryeministri Sali Berisha, ka zhvilluar ditën e sotme ‘Foltoren’ online me shqiptarët e Amerikës në Nju Xhersi.

Në fjalën e tij ish-kryeministri i ka dërguar një mesazh ambasadores amerikane në Tiranë, Yuri Kim.

Berisha tha se për të dy momente janë të papranueshme nga sjellja e ambasadores duke veçuar njohjen e zgjedhjeve dhe censura që kërkon sipas tij t’i vendosë “Foltores”.

 

“Dy fjalë për zonjën ambasadore që shpesh i lejon vetes të bëjë sekretaren ideologjike të PS. Dy momente për mua janë të papranueshme, përgëzimi që i bëri zgjedhjeve dhe së dyti thirrja që u bën gazetarëve për të vendosur censurë ndaj Foltores dhe Sali Berishës. Për mua përbën shkelje të Kushtetutës amerikane që garanton më mirë se të gjithë lirinë e shprehjes dhe fjalës”, tha Berisha.

LEXO EDHE  Abazoviq futet në mes të turmës së protestuesve, zbulohet çfarë iu tha

Ai shtoi se kjo nuk bën që ai të humbasë respektin  për SHBA të cilat i përkufizoi si vendi i madh i lirisë.

“Megjithatë asgjë nuk humb respektin tonë për vendin e madh të lirisë. Jam i bindur që Partia Demokratike në pushtet do ndërtojë marrëdhënie të shkëlqyera me vendin ku ju jetoni”, shtoi Berisha në fjalën e tij.