Një vajzë 14-vjeçare, e infektuar me COVID-19 ka humbur jetën në Greqi.
Adoleshentja është transportuar në urgjencën e spitalit me dhimbje të fortë. Ekzaminimet kanë konstatuar se kishte pësuar një atak ishemik.
Mjekët e intubuan, por fatkeqësisht 14-vjeçarja nuk arriti që të shpëtonte.
Sipas mjekëve nuk përjashtohet që goditja që pësoi vajza të jetë një ndërlikim i sëmundjes. Shkaku i saktë i vdekjes së vajzës do të pëërcaktohet nga ekspertiza mjeko-ligjore që do të kryhet.
Greqia po përballet me rritjen e rasteve të reja nga COVID dhe variantin e ri, “Omicron”.
