Një aksident raportohet të ketë ndodhur në orët e para të mëngjesit të sotëm në Korçë.
Burimet policore bëjnë me dije se ngjarja ka ndodhur rreth orës 04:00 në rrugën e Malit Moravë, ku shtetasi F. K. 36 vjeç, duke drejtuar makinën tip “Audi” ka humbur kontrollin dhe ka dalë nga rruga.
Si pasojë e aksidentit është dëmtuar drejtuesi i mjetit dhe pasagjeri me iniciale, Dh. G. 32 vjeç.
Mësohet se dy të plagosurit ndodhen në spitalin e Korçës nën kujdesin e mjekëve, ndërsa grupi hetimor po punon për zbardhjen e rrethanave të ngjarjes
