Aktori i humorit, Donald Veshaj është prej fillimit banor i shtëpisë së “Big Brother Vip” dhe të gjitha rrjetet sociale menaxhohen nga vëllai i tij binjak, Romeo. Kjo u bë e ditur edhe nga vetë Romeo i cili postonte video qesharake të Donaldit në Instagram.
Në Instagramin e Donaldit janë postuar gjithashtu edhe video e takimit dhe puthjes së famshme me Bora Zemanin si dhe një video tjetër ku aktori i dërgonte moderatores varësen e tij në përvjetorin e tyre të tretë.
Situatat e krijuara së fundmi ku Donaldi dhe Beatrix shfaqen shumë të afërt me njëri-tjetrin kanë bërë bujë në rrjet dhe thuajse të gjithë fansat e tij ju kthyen kundër.
Që nga dalja e Semi Jaupaj, mikja e ngushtë e Bora Zemanit, nga shtëpia e “BBV”, Donaldi dhe Beatrix shprehën ndjenjat për njëri-tjetrin dhe së fundmi janë puthur edhe në buzë.
Ajo që u ka rënë në sy të ndjeksëve është se asnjë skenë ku shihet dyshja Donald-Beatrix nuk është postuar në rrjetet sociale të aktorit dhe as videot me Bora Zemanin nuk janë fshirë. Kjo ka bërë ndjekësit që të aludojnë se vëllai i Donaldit, Romeo nuk është përkrahës i kësaj ‘romance’ që po bën namin kudo në rrjet.
