Bëri kallëzim të rremë se i grabitën shtëpinë, arrestohet

Policia e Gjirokastrës ka vënë në pranga një 32 vjeçar nga Tepelena për kallëzim të rremë, armëmbajtje pa leje dhe prodhim narkotikësh.

Arrestimi i këtij shtetasi erdhi pasi në 27 nëntor, S.M. ishte paraqitur në ambientet e komisariatit të Tepelenës ku bëri një kallëzim se persona të paidentifikuar i kishin hyrë në banesë dhe i kishin marrë me fortë një sasi prej 200 mijë lekësh.

“Si rezultat i punës hetimore, u bë e mundur zbardhja e ngjarjes dhe rezultoi se shtetasi S. M. ka bërë njoftim të rremë, duke improvizuar ngjarjen e grabitjes së shumës së parave. Gjatë kontrollit në banesën e tij, u sekuestruan 300 gramë lëndë narkotike cannabis sativa dhe një armë gjahu që e mbante pa leje. Në vijim të veprimeve është proceduar penalisht edhe shtetasi A.M., babai i shtetasit S.M.”, njoftoi policia.

LEXO EDHE  Hetimet për vrasjen e efektivit të Shqiponjave, gjendet arma e krimit/ Merren të pandehur dy persona