Ben Blushi largohet si Drejtor i Përgjithshëm i Top Channel. Përmes një email që ia drejton stafit të kompanisë dhe që ka rrjedhur në media, Blushi njofton largimin, 4 vite pasi mori detyrën.
“Duke nisur nga sot nuk do jem më në Top Channel. Me bindjen se sot po largohem nga një kompani më e shëndetshme, më e besueshme dhe më e madhe në krahasim me atë që gjeta para katër vitesh, ju uroj të gjithëve punë të mbarë. Ben Blushi”,shkruhet në e-mail.
Nuk dihet nëse Blushi do të ketë një rikthim në politikën aktive, apo jo, por edhe gjatë kohës që ka drejtuar median në fjalë emri i tij është denoncuar në jo pak afera, që nisin që nga pronat në Dardhë të Korçës dhe deri te Inceneratorët.
Madje, referuar denoncimeve, Blushi është akuzuar se ka ndikuar edhe në procesin e vetting-ut për një prej prokurorëve të Tiranës, përmes një prej anëtarëve të KPK.
Blushi, dikur një bashkëpunëtor i Fatos Nanos, dhe më pas u Edi Ramës, u kthye në një prej kundërshtarëve të kvtij të fundit në Partinë Socialiste, edhe pse sot duket se raportet janë përmirësuar dhe në jo pak raste ai është fotografuar duke hyrë në selinë e Qeverisë, i shoqëruar nga biznesmenë që konsiderohen si oligarkë.
