Ministria e Shëndetësisë njoftoi këtë të Enjte se në Kosovë janë shënuar 16 raste të reja me koronavirus në 24 orët e fundit, nga 1424 testime.
Nuk raportohet për humbje jete.
Sipas njoftimit, në 24 orët e fundit janë shëruar edhe 10 persona, ndërsa raste aktive me COVID-19 janë 320.
Sa i përket vaksinimit kundër koronavirusit, autoritetet shëndetësore kanë administruar 2285 vaksina në 24 orët e fundit. Që prej fundit të Marsit, kur në Kosovë nisi fushata e imunizimit, e deri më 2 Dhjetor, janë administruar 1.619.802 doza të vaksinës. Me dy doza janë vaksinuar 763.652 persona, ndërsa me një dozë, 856.150 persona.
