Përmeti dhe Labëria u përballën mes tyre në një prej ndeshjeve të vlefshme për Kategorinë e 2-të. Takimi nuk do të kishte tërhequr vëmendje dhe pamjet nuk do të bëheshin virale, nëse loja do të zhvillohej në një terren të pranueshëm sportiv.
Pamjet e mëposhtme tregojnë se ekipet kanë luajtur në baltë, ku fusha ishte kthyer në një moçal, e mbushur tërësisht me ujë, dhe arbitri ka lejuar zhvillimin e takimit, edhe pse topi ngecte mes pellgjeve me ujë dhe baltës.
Pamjet janë emetuar në rrjetet sociale edhe nga faqja “433”, e njohur për shpërndarjen e video të tilla, veçanërisht të lidhura me futbollin.
