Një i ri u arrestua nga policia e Kukësit mbrëmjen e djeshme për veprën penale “Ndihma për kalim të paligjshëm të kufijve”.
“Specialistët për Hetimin e Trafiqeve të Paligjshme në DVP Kukës kanë vijuar kontrollet në zbatim të planit të masave për parandalimin dhe goditjen e aktivitetit të paligjshëm të dhënies ndihmë emigrantëve të paligjshëm, për kalim të paligjshëm të kufijve dhe tranzitimin e tyre në territorin shqiptar, me destinacion vendet e BE-së. Si rezultat i kontrolleve u arrestua në flagrancë shtetasi A. Gj., 21 vjeç, banues në Tiranë, pasi u kap nga shërbimet e Policisë, duke transportuar me një automjet tip ‘Honday’, emigrantë të paligjshëm, që të kalonin në mënyrë të paligjshme kufirin në drejtim të Kosovës, kundrejt fitimit”, njoftoi këtë të Mërkurë policia.
Nga pamjet e aksionit të publikuara nga blutë, dy nga refugjatët ishin futur në bagazhin e automjetit, një person shquhet në sediljen e pasagjerit paralel me shoferin dhe një tjetër në ulësen e pasme.
