Real Madrid nis shkëputjen në La Liga, Benzema vendos ndeshjen ndaj Bilbaos

Foto: AFP

Një formë fantastike po kalon Real Madridi. Skuadra e Ancelottit luajti ndeshjen e prapambetur të Nëntorit në kampionat dhe pavarësisht vështirësive të mëdha arriti të merrte maksimumin ndaj Ath.Bilbaos në “Santiago Bernabeu”.

“Los Blancos” edhe njëherë u udhëhoqën nga Karim Benzema i cili vijon të tregohet lideri me golat e tij në fushë teksa shënoi në 40’ për t’i dhënë fitoren e pestë radhazi vendasve.

LEXO EDHE  Mesazh i çuditshëm nga Wanda Nara! Krizë e re me Icardin apo ‘kërcënim’ për China Suarez?

Por fitorja nuk ishte e lehtë pasi basket paten disa raste për të shënuar dhe Courtois me mbrojtjen u treguan shumë të vëmendshëm për të larguar rreziqet që afroheshin.

Gjithsesi mjaftoi ky gol që tanimë Real Madrid të kalojë në kuotën e 36 pikëve, 7 më shumë se ndjekësi më i afërt, Atl. Madrid.