Partizani do të luajë ndeshjen e javës së 11-të të Superligës ndaj Skënderbeut. Sfida do të zhvillohet ditën e shtunë në “Air Albania” dhe do të nisë në orën 16:45. Në prag të kësaj ndeshje në një prononcim për mediat ka folur edhe Egzon Belica.
Mbrojtësi i Partizanit është shprehur se ecuria e skuadrës nuk është siç e kishin menduar që në fillim, por pavarësisht kësaj skuadra vazhdon të ketë objektiva madhore. Në fund, Belica ka vlerësuar edhe Skënderbeun duke e cilësuar si një kundërshtar të fortë e që në dy ndeshjet e kaluara nuk kanë arritur t’i mposhtin.
“Fitorja e fundit ishte e vështirë, por na ka çliruar. Kemi marrë 3 rezultate të mira në ndeshje e fundit dhe shpresojmë që të vazhdojmë kështu”.
Skënderbeu? “Në këtë kampionat nuk ka ndeshje të lehta. Skënderbeu e ka treguar se është një rival I fortë dhe në dy ndeshjet e kaluara kemi dalë barazim. Ne bëjmë përgatitjet tona dhe shpresojmë që çdo gjë të shkojë ashtu siç ne e mendojmë dhe e duam”.
Mendoni për titullin kampion? “Kampionati është shumë I gjatë, ka shumë pikë në lojë dhe patjetër që ne kemi synime madhore. Nuk jemi aty ku mendonim në fillim, ka shumë ndeshje e shpresojmë që të rikuperojmë sa më shumë pikë”.
Faza sulmuese? “Kemi çaluar disi në sulm, por kur çalon sulmi çalojnë të gjithë. Kemi patur shumë raste për të shënuar, por ka qenë mungesë përqendrimi. Shpresojmë që rastet për gol t’i shfrytëzojmë në ndeshjet e radhës dhe të rikuperojmë sa më shumë pike”, u shpre Belica.
