Një aksident ajror ka ndodhur në Azerbajxhan, ku si pasojë e rrëzimit të një avioni ushtarak këtë të martë humbën jetën 14 anëtarë të ekuipazhit, si dhe u lënduan dy të të tjerë.
Lajmin e bëri me dije shërbimi kufitar shtetëror i vendit të Kaukazit Jugor.
Mediat e huaja bëjnë me dije se një helikopter ushtarak që i përkiste Shërbimit Kufitar Shtetëror të Azerbajxhanit (SBS) u rrëzua teksa kryente fluturime stërvitore në hapësirën ajrore Garaheybat në rajonin Khizi pranë kryeqytetit të Azerbajxhanit, Baku.
Si pasojë e aksidentit, shumë njerëz kanë humbur jetën dhe disa janë lënduar, tha SBS. Sipas disa medieve që cituan raportin e agjencisë së lajmeve RIA, rreth 14 persona vdiqën gjatë incidentit dhe dy të tjerë pësuan lëndime.
“Sot, rreth orës 10:40 (GMT), një helikopter ushtarak i Shërbimit Kufitar Shtetëror u rrëzua gjatë fluturimeve stërvitore në rajonin Khizi”, thuhet në deklaratë.
