Negociatat me BE, Meta: Përparimi i secilit vend në bazë të meritave individuale

Presidenti Ilir Meta përshëndet qëndrimin e Bullgarisë e cila ka propozuar që të nisin sa më parë negociatat e anëtarësimit të Shqipërisë në BE.

Përmes një reagimi, Kreu i Shtetit shprehet se përparimi i secilit vend në bazë të meritave individuale ka qenë një nga parimet kyç të miratuara në Samitin e Selanikut në vitin 2003.

“Do të vazhdoj të mbështes dhe inkurajoj çdo hap, që na çon sa më parë drejt anëtarësimit europian, në përmbushje të objektivit tonë strategjik kombëtar.

LEXO EDHE  Qëlloi me armë drejt një lokali në Shkodër, arrestohet 31-vjeçari (EMRi)

Mbetem gjithashtu me bindjen e plotë se Maqedonia e Veriut ka bërë përparim të jashtëzakonshëm qoftë me zbatimin e reformave, qoftë me arritjen e një Marrëveshjeje historike si ajo e Prespës.

E përshëndes qëndrimin dinjitoz të autoriteteve maqedone për të vijuar të palëkundur në kursin pro-europian të reformave që u shërbejnë qytetarëve dhe aspiratës për anëtarësim në BE”, thuhet në reagimin e Metës.