Një ngjarje e rëndë raportohet të ketë ndodhur mbrëmjen e djeshme, në Greqi.
Një grua 48-vjeçare është vrarë nga bashkëshorti i saj 49-vjeçar.
Sipas mediave vendase “thestival.gr” dhe “voria.gr”, mbrëmjen e së dielës 49-vjeçari shkoi në polici dhe rrëfeu se ka vrarë bashkëshorten e tij.
Menjëherë policia ka arrestuar autorin dhe e ka dërguar në paraburgim, ndërsa efektivët shkuan në shtëpinë e çiftit, ku gjetën pa shenja jete gruan 48-vjeçare.
Mësohet se çifti është me origjinë armene. Ata kanë një djalë rreth 20 vjeç, i cili nuk jetonte me ta.
Çështja është marrë në dorëzim nga Departamenti i Krimeve pranë Drejtorisë së Sigurimit të Selanikut.
