Michael Carrick, menaxheri i përkohshëm i Manchester United, analizoi barazimin 1-1 në Stamford Bridge kundër Chelsea në Sky Sports:
“Jam i zhgënjyer per menyren se si erdhi goli i barazimit! Jam krenar për lojtarët dhe grupin për atë që kanë bërë këtë javë: u përpoqëm të nxirrnim maksimumin nga një situatë e vështirë.
Pse Ronaldo ne stol? “Kam pasur një bisedë të mirë me Cristianon dhe ai ishte i mrekullueshëm.
Është një vendim për të zgjedhur një ekip, nuk kemi nevojë për më shumë dramë se kaq. Të gjithë ata që jane futur kanë qenë të mrekullueshëm.
Pesë herë fituesi i Topit të Artë, Ronaldo ka shënuar 15 gola në 19 ndeshje këtë sezon, por ish-mbrojtësi i Anglisë, Stephen Warnock, ka mbështetur vendimin e Carrick për të lënë jashtë legjendës portugeze.
“Unë mendoj se është zgjedhja e duhur”, tha ai për BBC Radio 5 Live.
Carrick me pas shtoi: “Gjithsesi, mbetet ajo ndjenjë pak e hidhur sepse erdhëm këtu për të fituar ndeshjen. Nuk mund ta fsheh zhgënjimin tim. Penalltia për Chelsean? Mendoj se nuk ishte fare”.
