Përplaset ambulanca, vdes pacientja. Në gjendje të rëndë 3 të rinj. Detajet

Të tjera detaje janë zbardhur nga aksidenti i rëndë që ndodhi rreth mesnatës në rrugën e Rinasit, ku një ambulancë është përplasur me një mjet tjetër.

Si pasojë e përplasjes ka humbur jetën pacientja dhe janë plagosur tre persona të tjerë.

Policia e Tiranës njofton se aksidenti ndodhi rreth orës 23:50, në rrugën e “Rinasit”, ku janë përfshirë në aksident mjeti me drejtues shtetasin A. A., me mjetin e ambulancës të spitalit të Krujës.

LEXO EDHE  Veliaj kërkon hetim ndërkombëtar, vjen reagimi nga Duka

Si pasojë e përplasjes, ka humbur jetën në vendngjarje pacientja që ndodhej në ambulancë, shtetasja A. B., 42 vjeçe.

Gjithashtu janë dëmtuar dhe ndodhen në spital në gjendje të rëndë për jetën shtetasit A. B., 30 vjeç (infermieri i ambulancës), M. B., 32 vjeçe, të cilët ndodheshin në ambulancë, dhe shtetasi Y. G., 22 vjeç, pasagjer i mjetit tjetër.

Grupi hetimor ndodhet në vendngjarje dhe po punon për sqarimin e rrethanave të aksidentit.