Detaje të reja janë zbuluar nga ngjarja e rëndë e ndodhur në Golem të Kavajës, ku në një apartament në katin e dytë të një pallati, u gjetën pa shenja jete një burrë dhe një grua.
Viktimat u identifikuan si Mihal Jani 60 vjeç dhe Anila Llulla 50 vjeçe.
Nga raportimet mësohet se Anila Llulla është larguar nga banesa që në datën 25 nëntor dhe djali i saj ka bërë një kallëzim gjatë pasdites së djeshme në Komisariatin e policisë nr 4 në Tiranë, ku deklaronte se e ëma ishte larguar nga banesa.
Gjithashtu djali i Mihal Janit e ka marrë në telefon vazhdimisht babain e tij, por ky i fundit nuk i përgjigjej.
Nga raportimet mësohet se pasditen e sotme, ai ka shkuar në shtëpinë që kishin në Golem dhe pasi nuk ka mundur të hapte dot derën ka kërkuar ndihmën e policisë dhe zjarrfikëses të cilët i kanë gjetur të dy shtetasit përtokë pa shenja jete.
Pista kryesore e dyshimit është rrjedhja e gazit, pasi mbrëmjen e djeshme fqinjët e kishin ndjerë erën e gazit. Deri më tani mendohet se vdekja u ka ardhur që mbrëmjen e djeshme.
