Një 30-vjeçar është arrestuar nga policia pasi pas një sherri për motive banale ka goditur me sende të forta 24-vjeçarin me iniciale A.GJ.
I riu është dërguar në spital ku ndodhet nën kujdesin e mjekëve.
“Specialistët për Hetimin e Krimeve në Komisariatin e Policisë Kukës, arrestuan në flagrancë shtetasin A. M., 30 vjeç, banues në Kukës, pasi për motive të dobëta, ka goditur me sende të forta dhe ka kanosur shtetasin A. Gj., 24 vjeç, banues në fshatin Gabricë. I dëmtuari ndodhet në spitalin Rajonal Kukës, nën kujdesin e mjekëve. Materialet i kaluan Prokurorisë së Rrethit Gjyqësor Kukës, për veprat penale ‘Plagosja e rëndë me dashje’ dhe ‘Kanosja'”, njoftoi policia.
