Rruga e Arbrit, Balluku: Kur të bjerë dëborë, nuk do lejohet qarkullimi

Qeveria pritet që të hapë rrugën e Arbrit më 29 nëntor, por duket se ajo nuk do të jetë e disponueshme në 365 ditët e vitit.

Kjo pasi ministrja e Infrastrukturës, Belinda Balluku, ka habitur me një deklaratë të sajën, kur tha se gjatë ditëve me borë, përdoruesit e rrugës nuk do të lejohet të qarkullojnë në rrugën e re, por duhet të përdorin atë ekzistuesen.

Balluku tha se kanë bërë një ‘monitorim’ për vitet e fundit dhe kanë dalë në përfundimin se në pjesë ku po punohet për ByPass-in nuk bie më shumë se pesë ditë në vit dëborë.

Ministrja Balluku tha se kjo rrugë është një rrugë që të ‘therret’ për shpejtësinë pasi ka parametra evropiane, por shtoi se kjo gjë gjithsesi nuk duhet të ndodhë. Balluku u bëri thirrje të gjithë drejtuesve të makinave që të bëjë kujdes gjatë qarkullimit, pasi rruga ende nuk ka përfunduar plotësisht. Ajo tha se e kanë hapur dhe përpara afatit për të lehtësuar qarkullimin gjatë dimrit, por që drejtuesit e mjeteve duhet të kenë kujdes në përdorimin e rrugës.

“Po e hapim para afatit për të lehtësuar qarkullimin gjatë dimrit dhe padyshim jemi në kushtet e kantierit, kështu që duhet shumë kujdes nga drejtuesve të automjeteve përsa i përket kalimit këtu. Kjo është një rrugë në verilindje të vendit, ku shpesh ka edhe reshje dëbore, prandaj duhet të kemi shumë kujdes në përdorimin e rrugës.

LEXO EDHE  ‘Kuvendi’ i Bashës/ Mbështetësit e Berishës publikojnë emrat: Nuk ishin aty, kanë qenë jashtë Shqipërisë

Jam me drejtor Qaton këtu, sepse do të marrin në dorëzim këtë aks për sigurinë rrugore dhe do ta monitoroni deri kur të jetë i përfunduar. Moti nuk na ndihmon shumë, por kaskadat e Drinit po mbushen. Ne kemi bërë dhe një monitorim për vitet e fundit dhe na rezulton se nuk bie dëborë më shumë se pesë ditë në vit dhe këto ditë që do të ketë reshje dëbore do të mbyllim “By Pass”-in.

Maksimumi 5 ditë në vit dhe do të përdoret rruga e vjetër, por në ditët e tjera do të jetë totalisht i hapur. E kuptojmë që kjo është një rrugë e parametrave evropiane dhe thërret për shpejtësi, por absolutisht nuk duhet të ndodhë kjo gjë. Shoferët duhet të kenë kujdes në përdorimin e kësaj rruge. Kjo është një rrugë e re dhe me siguri do të duhet kohë sat ë ambientohen,”- tha Balluku.