Policia e Lezhës ka proceduan penalisht 24-vjeçarin i cili u aksidentuar mbrëmjen e djeshme me njërën nga makinat e eskortës së ish-kryeministrit Berisha.
Ardi Mulliqi, në aksin rrugor Milot-Thumanë, duke drejtuar automjetin tip “Benz” ka goditur mjetin tjetër tip “Benz” me drejtues shtetasin Sali Lozin, 28 vjeç, njëri nga shoqëruesit e Berishës.
“Specialistët e Qarkullimit Rrugor në Drejtorinë Vendore të Policisë Lezhë proceduan penalisht shtetasin Ardi Mulliqi, 24 vjeç, banues në Prishtinë, Kosovë. Ky shtetas, në aksin rrugor Milot-Thumanë, në Fushë Mamurras, duke drejtuar automjetin tip ‘Benz’ ka goditur mjetin tjetër tip ‘Benz’ me drejtues shtetasin Sali Lozi, 28 vjeç, banues në Tiranë dhe ky i fundit ka goditur mjetin shoqërues të deputetit Sali Berisha. Të 3 automjetet qarkullonin në një sens lëvizjeje, në korsinë e shpejtësisë”, bën me dije policia.
Si pasojë e goditjes kanë marrë dëmtime të lehta drejtuesi i mjetit Mulliqi, dhe pasagjerët në këtë mjet E.S., dhe A.M., banues në Kosovë, të cilët pasi kanë marrë mjekim në spital, janë larguar për në banesë.
Materialet hetimore u referuan në Prokurorinë e Rrethit Gjyqësor Kurbin, për veprime të mëtejshme, për veprën penale “Shkelja e rregullave të qarkullimit rrugor”, njoftoi policia.
