Tiranë/ Akuzohet se përdhunoi një vajzë të mitur, në kërkim 32-vjeçari

Një 32-vjeçar është shpallur në kërkim nga policia e Tiranës pasi akuzohet se ka përdhunuar një vajzë 13 vjeçe.

“Nga specialistët për Hetimin e Krimeve në Komisariatin e Policisë Nr. 5 u bë shpallja në kërkim dhe po punohet për kapjen e shtetasit L.A., 32 vjeç, pasi dyshohet se në vitin 2019 ka kryer marrëdhënie seksuale me një 13-vjeçare, pa dëshirën e saj”, njoftoi policia këtë të Premte.

LEXO EDHE  Vendimi i Kushtetueses për 30 qershorin, vjen reagimi i Presidencës

Denoncimi është bërë së fundmi dhe pas marrjes së kallëzimit, policia e ka shpallur në kërkim 32-vjeçarin.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme, shtuan të njëjtat burime.