Nga Kurbini ku po mban “Foltoren” e radhës, ish-kryeministri Sali Berisha tha se me “dosjen Nick Muzin”, Basha është i përshtatshëm për qeli në Shqipëri dhe SHBA.
Ish-kryeministri u shpreh se me urdhër të Edi Ramës, dosja nuk u çua në gjykatë.
“Do i kërkoj Bashës dy gjëra. Dil dhe thuaju pak demokratëve për dosjen Nick Muzin, dosje me të cilën je i përshtatshëm për qeli në Shqipëri dhe SHBA. Unë i kam konkrete gjërat. A e dini ju se çfarë ndodhi me dosjen në apel. Nëse ndonjëri prej jush që nuk i përshtatet të drejtës, prokurori e çon nga shkalla në shkallë. Me urdhër të Edi Ramës, prokurori dosjen Muzin ku Basha akuzohet për larje parash, nuk e çoi në Gjykatën e Lartë. Pse Edi Rama ta bëri këtë nder? Po të ishe i pastër, dosja do shkonte atje dhe do merrje pafajësinë”, tha Berisha.
