Partia Demokratike, nëpërmjet deputetes Jorida Tabaku, ka prezantuar amendamentin për ligjin e TVSH ku kërkon uljen e saj nga 20% në 6% për produktet ushqimore. Sipas PD-së, amendamenti sjell uljen e çmimit të produkteve të shportës.
“TVSH të ulet nga 20 në % për produktet ushqimore në 6 %. 659 mijë individë do të përfitonin drejtpërdrejt”, tha Tabaku.
Ndërkohë, ministrja e Financave Delina Ibrahimaj u shpreh se ulja e TVSH-së nuk sjell uljen e çmimeve.
“Përjashtimet nga TVSH-ja nuk janë përkthyer në uljen e çmimeve. Ne hoqëm TVSH-në për biznesin e vogël vjet ndërkohë çmimet nuk u ulën. Përjashtimet në bujqësi nuk kanë dhënë efektin e duhur në uljen e çmimit”, tha ajo.
