Policia bullgare ka arrestuar një 24 vjecar në Sofje, i cili kishte postuar komente urrejtjeje ndaj viktimave të aksidentit tragjik në autostradën e Strumës, shumica e të cilëve ishin shqiptarë.
Ministria e Punëve të Brendshme në Bullgari njoftoi se postimet e të arrestuarit nuk ishin në papajtueshmëri me normat morale dhe etike. I riu do të hetohet për përhapje të urrejtjes në baza kombëtare.
Për vepra të tilla, ligji bullgar parashikon burgim nga një deri në katër vjet dhe gjobë nga 2.5 mijë deri në pesë mijë euro.
Ndërkohë drejtuesit e hetimit të tragjedisë thanë se janë nxjerrë 44 trupa të djegur, mes të cilëve 12 janë fëmijë.
Shtatë të mbijetuar po trajtohen ndërkohë në spitalin e kryeqytetit bullgar, Sofje, si pasojë e djegieve. Disa nga ta janë operuar, ndërsa në autobus besohet të kenë qenë mbi 50 persona.
