Ministria e Shëndetësisë së Kosovës njoftoi këtë të Enjte se ka regjistruar 12 raste të reja me koronavirus nga 1,559 testime. Nuk raportohet për humbje jete.
Në 24 orët e fundit, po ashtu, janë shëruar 16 pacientë, ndërkohë raste aktive janë 323.
Ndërkaq, sa i përket vaksinimit kundër koronavirusit, në 24-orët e fundit janë dhënë 1,627 doza të vaksinës. Kosova ka nisur fushatën e imunizimit kundër koronavirusit në fund të muajit mars. Të drejtë të vaksinimit kanë personat mbi 12 vjeç. Deri më tani, në Kosovë janë dhënë mbi 1.6 milion doza të vaksinës kundër koronavirusit dhe 759,134 persona janë imunizuar me të dyja dozat.
