Gjermania po përballet me një valë të 4 të pandemisë së Covid-19 ku shifrat ditore të infektimeve dhe rritja e fataliteteve ka ngritur kambanën e alarmit në vend. Presidenti i Institutit Shëndetësor Robert Koh, ka bërë një thirrje për marrjen e masave kundër koronavirusit.
“Nëse 50,000 njerëz infektohen në një dite, 400 prej tyre do të vdesin dhe ne duhet të bëjmë diçka që kjo të ndryshojë”, tha ai.
Pavarësisht masave të vendosura, presidenti i institutit Rober Koch theksoi se ato nuk mjaftojnë, pasi sipas tij, qytetarët Gjerman duhet të reduktojnë kontaktet dhe të anulohen evenimentet ku janë pjesëmarrës shumë persona. Referuar raportimeve, vendi mund të futet në karantinë kombëtare.
Numri i personave të pavaksinuar në Gjermani aktualisht është rreth 15 milionë dhe lëvizja e tyre në mënyrë të pakufizuar ka bërë të mundur përhapjen e infeksionit tek të tjerët duke shënuar shifra rekord infektimesh.
Aktualisht vendi po përballet me një kolaps në sistemin shëndetësor ku gjendja është kritike në spitale pasi shumica e tyre po tejmbushen.
